“Triterra” üçün xüsusi mükafat

Azərbaycanın “Triterra Baku” triatlon klubu Hündürmərtəbələrdə Şaquli Qaçış üzrə Dünya Assosiasiyasının rəsmi nümayəndəsi seçilərək, müvafiq sertifikata layiq görülüb.

İdman.biz-in məlumatına görə, son üç il ərzində Azərbaycan klubu “Çinar Plaza” Biznes Mərkəzində şaquli qaçış turnirləri təşkil edib.

Keçirilən yarışlar beynəlxalq qurumların da diqqətindən yayınmayıb. Göstərilən nəticələri nəzərə alaraq, Hündürmərtəbələrdə Şaquli Qaçış üzrə Dünya Assosiasiyası (Tower Running Association) “Triterra”nı Azərbaycanda öz rəsmi nümayəndəsi kimi təsdiq edib və beynəlxalq yarışların ölkəmizdə bu təşkilatın himayəsi altında keçirilməsi məqsədi ilə, müvafiq sertifikatla qiymətləndirib.

İdman.biz