Bakı şəhəri üzrə həftənin idman afişası açıqlanıb.
İdman.biz xəbər verir ki, martın 17-23-də paytaxtda müxtəlif idman növləri üzrə yarışlar keçiriləcək.
🔹Futbol üzrə 2024/25 UEFA qadınlar U-17 Avropa çempionatının II mərhələsi çərçivəsində mini-turnir (Azərbaycan, Lyuksemburq, Malta, Bolqarıstan) – 12-18 mart (ASCO arena, Binə stadionu);
🔹 Novruz bayramına həsr olunmuş Xətai rayon məktəbliləri (qızlar) arasında 3x3 basketbol üzrə turnir - 17 mart, saat 10:00 (269 nömrəli tam orta məktəb);
🔹 Tennis üzrə 8-10, 11-12 yaş qrupu üzrə Bakı şəhər birinciliyi - 17-19 mart, saat 11:00 (Bakı Tennis Akademiyası);
🔹 Novruz bayramına həsr olunmuş oğlanlar arasında 3x3 basketbol üzrə Binəqədi rayon turniri - 18 mart, saat 10:00 (248 nömrəli tam orta məktəb);
🔹 Novruz bayramına həsr olunmuş 2009-2012-ci il təvəllüdlü qızlardan ibarət orta ümumtəhsil məktəblərinin komandaları arasında voleybol üzrə Nərimanov rayon turniri - 18 mart, saat 10:00 (193 nömrəli məktəbin idman zalı);
🔹 Dövlət qurumlarının əməkdaşları arasında kəndirlə mübarizə yarışı – 18 mart (Bakı);
🔹 Atçılıq üzrə Peşəkar Çövkən Liqası (II-ci tur) – 18-19 mart (Bakı).
İdman.biz
