Bu gün daun sindromlu idmançılar arasında "Parlayan günəşlər" adlı idman oyunları keçirilib.
İdman.biz xəbər verir ki, açılış mərasimində gənclər və idman naziri Fərid Qayıbov, yerli və xarici ictimaiyyət nümayəndələri iştirak ediblər.
Bakı Atletika Mərkəzində Daun İdmançılara Dəstək İB-in təşkilatçılığı ilə baş tutan yarışa Azərbaycanla yanaşı, Türkiyə, Özbəkistan, Qırğızıstandan olan idmançılar qatılıblar.
Oyunların keçirilməsində məqsəd cəmiyyətin daun sindromlu şəxslərə diqqətini çəkmək və idmançıları gələcək beynəlxalq idman yarışlarına hazırlamaqdır.
İdman.biz
