Azərbaycanın daha bir təmsilçisi Paris-2024 Yay Paralimpiya Oyunlarına vəsiqə qazanıb.
İdman.biz xəbər verir ki, pauerliftinq üzrə milli komandamızın üzvü Ceyhun Mahmudov (54 kq) Fransa paytaxtında mübarizə aparacaq.
O, Milli Paralimpiya Komitəsi tərəfindən göndərilən sorğu əsasında bu hüquqa yiyələnib. Beynəlxalq Paralimpiya Komitəsi 2023-cü ildə Dünya kubokunun qalibi olan idmançıya iştirak lisenziyası (“bipartite”) verib.
Qeyd edək ki, Paris-2024 Paralimpiya Oyunları avqustun 28-dən sentyabrın 8-nə kimi davam edəcək.
İdman.biz
