Argentina millisinin futbolçuları Lionel Messi və Anhel di Mariya Paris-2024 Yay Olimpiya Oyunlarında iştirak edə bilər.
İdman.biz xəbər verir ki, yığmanın heyətində dünya çempionu olan ulduzların hər ikisi Fransa paytaxtındakı yarışda da oynamaq qərarına gəlib.
Bunun üçün Argentina millisi Olimpiadaya vəsiqə qazanmalıdır. Paris-2024-də yığmaya Xavyer Maskerano baş məşqçilik edəcək.
Olimpiya Oyunlarında milli komandalarda yaşı 23-dək olan futbolçular forma geyinə bilər. Lakin hər yığma yaşı daha çox olan 3 oyunçunun xidmətindən yararlanmaq hüququna malikdir.
Qeyd edək ki, Olimpiada bu ilin yayında keçiriləcək.
İdman.biz
