Paris-2024 Yay Olimpiya Oyunlarında boks turniri davam edir.
İdman.biz xəbər verir ki, Azərbaycan boksçusu Murad Allahverdiyev Olimpiadaya bu gün start verib.
80 kq çəkidə mübarizə aparan idmançımız 1/8 final görüşünə çıxıb. Abdelrahman Abdelqavvadla (Misir) döyüşən Allahverdiyev 5:0 (30:27, 29:28, 29:28, 29:28, 29:28) hesabı ilə qələbə qazanıb.
Allahverdiyevin 1/4 final görüşü avqustun 2-də olacaq. O, qazaxıstanlı Nurbek Oralbayla üz-üzə gələcək.
Qeyd edək ki, Olimpiadaya millimizin 5 kişi boksçusu qatılıb.
İdman.biz
