Paris-2024 Yay Olimpiya Oyunlarının triatlon yarışlarının taleyinə aydınlıq gəlib.
İdman.biz xəbər verir ki, bunu Dünya Triatlonu açıqlayıb.
Həm kişi, həm qadın idmançılar arasında mübarizə bu gün baş tutacaq. Öncədən yarışın yenidən təxirə salınmasına qərar verilsə də, sonradan triatlonçuların start xəttinə çıxması məqsədəuyğun sayılıb. Bakı vaxtı ilə saat 10:00-da qadınlar, 12:45-də kişilər yarışa başlayacaq.
Qeyd edək ki, Azərbaycan təmsilçisi Rostislav Pevtsov da start xəttinə çıxacaq.
İdman.biz
