Paris-2024 Yay Olimpiya Oyunlarının boks yarışları davam edir.
İdman.biz xəbər verir ki, Azərbaycan boksçusu Alfonso Dominqes bu gün növbəti döyüşünə çıxıb.
92 kq çəkidə çıxış edən təmsilçimiz 1/4 finalda qüvvəsini sınayıb. O, Aybek Oralbayla (Qazaxıstan) üz-üzə gəlib. Boksçumuz rəqibini 3:2 (28:29, 29:28, 28:29, 29:28, 29:28) hesabı ilə məğlub edib.
Fransa paytaxtında ardıcıl ikinci qələbəsini qazanan Alfonso yarımfinala vəsiqə ilə Olimpiadanın mükafatçıları sırasında yerini təmin edib. O, finala vəsiqə üçün qarşılaşmada Enmanuel Reyes Pla (İspaniya) ilə üz-üzə gələcək. Bu döyüş avqustun 4-də keçiriləcək.
Qeyd edək ki, 1/4 finala yüksələn digər boksçumuz Murad Allahverdiyev (80 kq) sabah rinqə çıxacaq.
İdman.biz
