Azərbaycan boks yığmasının uğurlu Olimpiada seriyası davam edir.
İdman.biz xəbər verir ki, dəri əlcək ustalarımız ardıcıl 7-ci Olimpiya Oyunlarında medal qazanacaq.
Bunu Alfonso Dominqes (92 kq) təmin edib. O, yarımfinala yüksəlməklə mükafatlardan birinə sahib çıxacaq.
Sidney-2000-dən başlayaraq boksçularımız bütün Olimpiadalarda medal əldə edib. Yalnız Atlanta-1996-da belə uğur olmayıb.
Boks yığmamız ardıcıl 7 Olimpiya Oyunlarında medal qazanan yeganə komandamızdır. Düzdür, güləşçilərimiz bütün Olimpiadalarda medal qazanıb. Lakin Atlanta-1996 və Sidney-2000-də yalnız yunan-Roma, Afina-2004-də sərbəst güləşçilər fəxri kürsüdən kənar qalıb. Bu yığmaların heç biri ardıcıl 7 Olimpiadada mükafat qazanmayıb.
Qeyd edək ki, sərbəst güləş yığmamız son 5, “klassiklərimiz” son 4 Olimpiadada qazandığı seriyalarını Paris-2024-də uzada da bilər.
İdman.biz
