"Səhər oyanıb və yazdım: Jülyen Alfred Olimpiya çempionu!".
İdman.biz xəbər verir ki, bunu Sent-Lusiyaya ilk medal qazandıran Jülyen Alfred deyib.
100 m məsafəyə qaçışda Paris-2024 Olimpiadasında qələbə qazanan atlet inamın önəmli olduğunu bildirib: "Özünəinam çox vacibdir. Mən Sen-Lusiyadanam və bu, çox şeyi özündə əks etdirir. Orada hər kəsin məni izlədiyini bilirdim. Onlar indi evdə bayram edirlər. Hələlik, qələbəni tam anlamıram. Yavaş-yavaş hiss edirəm".
Qeyd edək ki, Alfredin Sent-Lusiyaya qazandırdığı ilk medalın əyarı qızıl olub.
İdman.biz
