Paris-2024 Olimpiadasında qadınların marafon yarışı başa çatıb.
İdman.biz xəbər verir ki, niderlandlı Sifan Hassan Olimpiya çempionu tituluna yiyələnib.
2:22:55 saniyəlik nəticə göstərən atlet həm Olimpiya rekordunu təzələyib. Növbəti yerləri Efiopiya və Keniya idmançıları tutublar.
Hassan Fransa paytaxtında 3-cü medalını qazanıb. Bundan əvvəl o, 5000 və 1000 m məsafələrə qaçışda bürünc medala sahib olub. Analoji məsafələrə Tokio-2020 Olimpiadasında qızıl qazanan Hassan Parisdə 3 qat Olimpiya çempionu tituluna yiyələnib.
Qeyd edək ki, Oyunlarda marafon yarışı ilə atletika proqramına yekun vurulub.
İdman.biz
