Paris-2024 Yay Paralimpiya Oyunlarında uğurla çıxış edən Azərbaycan millisinin kişilərdən ibarət parataekvondoçuları Vətənə qayıdıb.
İdman.biz xəbər verir ki, idmançılar, o cümlədən, iki Paralimpiya mükafatçısı Gənclər və İdman Nazirliyi, Azərbaycan Milli Paralimpiya Komitəsi rəhbərliyi, eləcə də nümayəndə heyətinin digər üzvləri Heydər Əliyev Beynəlxalq Aeroportunda idman ictimaiyyəti, ailə üzvləri və yaxınları tərəfindən alqışlarla qarşılanıb.
Millimiz Fransa paytaxtında 1 qızıl və 1 bürünc medala sahib olub. Buna görədə millimiz yekun sıralamada medal sayına görə ikinci pilləni tutub.
Paris-2024 də İmaməddin Xəlilov (K44, 70 kq) qızıl, Sabir Zeynalov (K44, 58 kq) bürünc medal qazanıbsa, Əbülfəz Abuzərli (K44, 80 kq) 1/4 finala kimi irəliləyib.
Qeyd edək ki, parataekvondo yarışlarında ümumilikdə 52 ölkə təmsil olunurdu.
Banuçiçək Hüseynli
İdman.biz
