Azərbaycan millisinin güllə atıcısı Nigar Nəsirovanın İdman.bizə müsahibəsi
- Ötən il sizin üçün uğurlu alındı. Dünya çempionu olmaqla ilkə imza atdız. Yeni ildən gözləntiniz nədir?
- Bu il əsas məqsədi Paris-2024 Yay Olimpiya Oyunlarına lisenziya əldə etməkdir. Həmçinin, fevralda Macarıstanda keçiriləcək Avropa çempionatında qızıl medal qazanmaq istəyirəm. Bunun üçün də əlimdən gələni edəcəm.
- Lisenziya qazanmaq şansınızı necə dəyərləndirərdiz?
- Buna çox inanıram və bunu bacaracağımı bilirəm. Çünki bütün var-gücümlə hazırlaşıram.
- Məşqləri artıq bərpa etmisiz?
- Bəli, məşqlərimiz artıq başlayıb. Bayramla əlaqədar olartaq istirahət günlərimdə belə boş dayanmadım. Öz məqşlərimə davam etdim.
- Sloveniyanın Ruşe şəhərində keçiriləcək Qran-pridə iştirak edəcəksən. Burada nə ümid edirsən?
- Sabah yarışa yola düşəcəyik. Turnir bir həftə davam edəcək. Yaxşı şəkildə hazırlaşmışam. İnanıram ki, qalib ola bilərəm.
- Bakıda Dünya Kuboku keçiriləcək. Bu yarışdan gözləntilərin nə olacaq?
- İnanıram ki, burada da birinci olacam və bayrağımızı yüksəklərdə dalğalandıraraq, himnimizi səsləndirməyi bacaracam.
Banuçiçək Hüseynli
İdman.biz
