Sloveniyanın Ruse şəhərində keçirilən 10 m məsafədən atəş açma yarışları davam edir.
İdman.biz xəbər verir ki, kişilərin tapança ilə yarışında təsnifat mərhələsi başa çatıb.
Azərbaycan millisinin yarışa qatılan hər iki snayperi final mərhələsinə yüksəlib. Vladislav Kalmıkov 580 xalla 2-ci, Ruslan Lunyov 576 xalla 6-cı olub.
Qeyd edək ki, 8 atıcının qatılacağı medallar uğrunda həlledici mübarizə Bakı vaxtı ilə saat 19:15-də başlayacaq.
İdman.biz
