Berlin 2036-cı və 2040-cı illərdə keçiriləcək Yay Olimpiya Oyunlarına namizədliyini irəli sürəcək.
İdman.biz xəbər verir ki, be barədə Almaniya Sosial Demokratlar Partiyasının senatoru İriş Şpranger deyib.
O, Berlinin federal bölgələr - Brandenburq, Saksoniya, Meklenburq-Qərbi Pomeraniya bə Şlezviq-Holşteynlə birlikdə yarışlara evsahibliyi etmək istədiyini açıqlayıb. Senator müraciətin yalnız paytaxt yox, ümummuilli olacağını bildirib.
Almaniya Milli Olimpya Komitəsi yarışları keçirmək istəyən şəhərlərin ərizəsini mayın 31-dək qəbul edəcək. Bu ilin sentyabrından isə layihənin dəyərləndirilməsinə start veriləcək və gələn ilin iyununda Almaniyanın namizədliyi təqdim olunacaq.
Qeyd edək ki, Olimpiada-2036-ya namizədlər arasında İstanbul (Türkiyə), Santyaqo (Çili), Nusantara (İndoneziya) və Hindistan var.
İdman.biz
