Azərbaycan üzgüçüsü Yeqor Maynitskiy Birləşmiş Ərəb Əmirliklərinin paytaxtı Abu-Dabidə keçirilən beynəlxalq yarışda 7 medal qazanıb.
İdman.biz xəbər verir ki, idmançı öz yaşıdları arasında yarışın ən yaxşısı seçilib.
14 yaşlı üzgüçü turnirdə 50, 100 və 200 m məsafələrə brass üsulunda üzməkdə bütün rəqiblərini üstələyib.
Bundan başqa, Maynitski 200 m məsəfə üzrə qarışıq üsulda da finişə hamıdan birinci çatıb. O, 400 m məsafəyə qarışıq və 50 m məsafəyə sərbəst üsulda üzməkdə ikinci olub.
İdmançı kəpənək üsulunda 50 m məsafə üzrə üçüncü yerdə qərarlaşıb.
Beləliklə, Maynitski ümumilikdə 4 qızıl, 2 gümüş və 1 bürünc medal qazanıb.
Qeyd edək ki, turnir dekabrın 14-16-da keçirilib.
İdman.biz
