"Əsas məqsəd Azərbaycanda su idman növlərinin inkişafına nail olmaqdır”.
İdman.biz xəbər verir ki, bunu Azərbaycan Üzgüçülük Federasiyasının (AÜF) prezidenti Zaur Əliyev Bakı Su İdman Sarayında jurnalistlərə müsahibəsində deyib.
O, Avropa Su İdman Növləri Federasiyasının prezidenti Antoniu Silvanın Bakıya gəlişi haqqında danışıb: “Avropa Su İdman Növləri Federasiyası ilə gələcəkdə görə biləcəyimiz əməkdaşlıqları müzakirə etdik. Onlarla geniş və məhsuldar görüşümüz oldu. Bildiyiniz kimi, ölkəmizdə üzgüçülüyün 5 növü mövcuddur. Hər bir növlə bağlı ayrıca inkişaf planı hazırlamağı düşünürük. Hazırda əsas məqsədlərimizdən biri ölkəmizdə kütləviliyin artırılmasını təmin etməkdir. İnanıram ki, gələcəkdə uşaqların su idman növünə marağı daha da artacaq”.
Aytac Sahəd
İdman.biz
