Stolüstü tennisçilər Onur Quluzadə ilə Yağmur Məmmədli Türkiyədə təşkil olunan “WTT Youth Contender” turnirində uğurlu çıxış ediblər.
İdman.biz xəbər verir ki, təmsilçilərimiz U-15 kateqoriyasında qarışıq-qoşa yarışında finalda oynayıblar.
Gərgin mübarizə şəraitində keçən həlledici qarşılaşmada tennisçilərimiz türkiyəli rəqiblərinə 3:2 hesabı ilə qalib gələrək, çempion tituluna sahib çıxıblar.
Qeyd edək ki, Onur Quluzadə ilə Yağmur Məmmədli cütü yanvarda Dohada keçirilən “WTT Youth Star Contender” turnirində qarışıq-qoşa yarışlarında bürünc medal qazanıb.
İdman.biz
