Bosniya və Herseqovinanın paytaxtı Sarayevoda yeniyetmə taekvondoçular arasında dünya birinciliyinə start verilib.
İdman.biz saytı xəbər verir ki, yarışın ikinci günü Azərbaycan milli komandası medal qazanıb.
Yığmamızın heyətində Şəms Əlizadə (160 sm) fəxri kürsüdə yer almağı bacarıb. Mübarizəyə ə 1/16 finaldan qoşulan taekvondoçumuz Misir, Serbiya və İngiltərə təmsilçilərinə qalib gələrək yarımfinala vəsiqə qazanıb. Əlizadə finala gedən yolda Koreya Respublikası taekvondoçusunu məğlub edib. Şəms finalda Qazaxıstan idmançısı ilə üz-üzə gəlib. Gərgin keçən döyüşdə rəqib idmançı qələbə qazandığından Əlizadə gümüş medala sahib olub.
Qeyd edək ki, dünya birinciliyi sentyabrın 1-dək davam edəcək.
İdman.biz
