Taekvandoçumuz bürünc medal qazanıb.
İdman.biz xəbər verir ki, Rusiyanın Yekaterinburq şəhərində keçirilən Beynəlxalq Universitet İdman Festivalında taekvandoçumuz Adil Eyvazov (58 kq) Rusiya təmsilçisi Vladimir Mısov ilə qarşılaşıb. İdmançımız rəqibinə 2:0 hesabı ilə məğlub olub. Bununla da A.Eyvazov bürünc medal əldə edib.
Qeyd edək ki, avqustun 31-dək davam edəcək Beynəlxalq Universitet İdman Festivalı Yekaterinburq şəhərinin 300 illik yubileyinə həsr edilib. 36 ölkədən müxtəlif universitetlərin tələbələri 14 idman növündə qüvvələrini sınayırlar.
Festivalda Azərbaycanı 10 təhsil ocağından 54-ü kişi 15-i qadın olmaqla 69 idmançı təmsil edir. Təmsilçilərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışırlar.
İdman.biz
