Dünya taekvondosunda yeni mövsüm fevralda başlayacaq.
İdman.biz xəbər verir ki, bu dövrdə bir qayda olaraq Azərbaycan komandasının da mübarizə apardığı yarışlar keçiriləcək.
Söhbət fevralın 9-10-da Fucayrada (BƏƏ) keçiriləcək reytinq turniri, həmçinin fevralın 13-16-da Antalyada təşkil ediləcək “Turkish Open”dən gedir.
İlin əsas turnirinə gəlincə, dünya çempionatı oktyabrın 24-30-da Çinin Vusi şəhərində keçiriləcək.
Eyni zamanda, yeri hələ təsdiqlənməyən yarışlar da var. Onların arasında 21 yaşadək taekvondoçular, həmçinin qadınlar arasında dünya çempionatı yer alıb.
İdman.biz
