Azərbaycan taekvondoçusu Estoniyanın Tallin şəhərində keçirilən E8 kateqoriyalı Avropa Qran-pri yarışında uğurlu çıxış edib.
İdman.biz xəbər verir ki, bu barədə Azərbaycan Taekvondo Federasiyasının mətbuat xidməti açıqlama yayıb.
“Kristal Abşeron” klubunun təmsilçisi Ülvi Məmmədov bütün rəqiblərinə qalib gələrək fəxri kürsünün ən yüksək pilləsində yer alıb. İdmançımız çempionluğa gedən yolda Bolqarıstan, İngiltərə, Monteneqro təmsilçiləri üzərində qələbələr qazanıb.
İdman.biz
