Olimpiya çempionu Novak Cokoviç Şanxay tennis turnirində 1/4 finala yüksəlib.
İdman.biz xəbər verir ki, serbiyalı tennisçi Masters yarışında 10-cu dəfə bu uğura imza atan ilk raketka ustası olub.
Novak 1/8 finalda rusiyalı Roman Safiullini 6:3 və 6:2-lik setlərlə məğlub edib. Cokoviç növbəti mərhələdə Yakub Menşiklə (Çexiya) qarşılaşacaq.
Qeyd edək ki, Şanxay turniri 2009-cu ildən Masters statusu alıb. Builki mükafat fondu 9 milyon dollar təşkil edir.
İdman.biz
