Dünyanın sabiq birinci raketkası Naomi Osaka "Australian Open-2025"lə vidalaşıb.
İdman.biz xəbər verir ki, yaponiyalı tennisçi 3-cü mərhələnin matçını sona çatdıra bilməyib.
O, 1/8 finala vəsiqə üçün Belinda Bençiçlə mübarizə aparıb. İlk setin gedişində tibbi fasilə götürən Osaka oyunu davam etdirərək tay-brekdə uduzub. 27 yaşlı idmançı birinci setdən sonra mübarizəni davam etdirməkdən imtina edib.
Qeyd edək ki, Naomi "Böyük Dəbilqə" turnirlərinin dördqat çempionudur.
İdman.biz
