Qadın voleybolçulardan ibarət iki Azərbaycan millisinin formalaşdırılması planlaşdırılır.
İdman.biz xəbər verir ki, bunu yığmanın yenidən baş məşqçisi təyin olunan Faiq Qarayev bu gün təqdimatı ilə bağlı keçirilən mətbuat konfransında deyib.
O bildirib ki, bir il ərzində komandada dəyişiklik etməlidir: “Xaricdə oynayan voleybolçularımız da yaşlı deyillər. Onlarla da çalışmaq lazımdır”.
Bu gün federasiyanı gənclərə böyük önəm verdiyini deyən Qarayev aprel üçün artıq yaz proqramlarının hazır olduğunu deyib: “Artıq bir neçə iclaslar keçirilib. Məşqçi korpusu bizdə hazırda yaxşıdır. Bu posta gəlməyimin əsas məqsədi məşqçilər korpusuna kömək etməkdir”.
Qeyd edək ki, əvvəllər də qadın voleybolçulardan ibarət A və B milliləri olub.
Banuçiçək Hüseynli
İdman.biz
