Azərbaycan millisinin voleybolçusu Polina Rəhimova Türkiyə çempionatında "Ankara Karayolları"nın heyətində debüt edib.
İdman.biz xəbər verir ki, o, "Vakıfbank"la görüşə 37 nömrəli forma ilə çıxıb.
İstanbul təmsilçisinin 3:0 hesabı ilə qalib gəldiyi oyunda Rəhimovanın 1 zərbəsi dəqiq alınıb.
XIV turun ilk oyunundan sonra "Vakıfbank" Sultanlar Liqasında 37 xalla 1-ci, "Ankara Karayolları" 4 xalla sonuncu – 14-cü yerdə qərarlaşıb.
Qeyd edək ki, Polina mövsümün ilk hissəsini Vyetnam çempionatında keçirib. O, "Duc Giang Company" klubu ilə gümüş medallar qazanıb və liqanın ən yaxşı hücumçusu mükafatına yiyələnib.
İdman.biz
