Qadın voleybolçulardan ibarət “Gəncə” klubu heyətinə yeni legioner qatıb.
İdman.biz xəbər verir ki, rusiyalı blokçu Anastasiya Atepalina komandaya qoşulub.
O, ötən mövsümü Fransa çempionatında çıxış edən “Argentier 95” klubunda keçirib. Voleybolçu bunadək iki il Albaniya çempionatında çıxış edib.
Qeyd edək ki, “Gəncə” bunadək iki azərbaycanlı voleybolçunun transferini rəsmiləşdirib. “Murov Az Terminal”dan Amina Ramazanova, “Azərreyl”dən Asiyat Abuyeva Qərb təmsilçisinə keçib.
İdman.biz
