Qadın voleybolçulardan ibarət “Azərreyl” komandasına yeni gələn baş məşqçi italiyalı Paolo Tofolinin İdman.bizə müsahibəsi
- “Azərreyl”ə keçidiniz necə reallaşdı?
- Bu barədə menecerim mənə məlumat verdi. O dedi ki, “Azərreyl” komandası baş məşqçi axtarışındadır. Məndə bu klubla maraqlanıb nə qədər prestijli bir yer olduğunu öyrəndim. Ona görə də bu təklifi qəbul etdim.
- Klubda əsas məqsədiniz nədir?
- Əsas məqsədim mövsüm boyu mümkün qədər qələbə qazanmaqdır. Bunun üçün əlimizdən gələni edəcəyik. Təbii ki, asan deyil, lakin bacaracağıq.
- Daha öncədən Azərbaycan voleybolu barədə məlumatınız var idi?
- “Azərreyl”in bir oyununa baxmışam. Lakin 2011-ci ildə “Skavolini Pesaro” komandası ilə “Rabitə”yə qarşı oynamaq üçün Bakıya gəlmişdim. Bu qədər. Elə də geniş məlumatım yox idi.
- Rəhbərlik sizin qarşınıza hansı hədəfləri qoyub?
- Təbii ki, daima yaxşı olmaq bizim qarşımıza qoyulan əsas vəzifədir. Bunu da yerinə yetirməyə çalışacağıq.
- Kluba yeni voleybolçuların gəlməsi gözlənirmi?
- Komandamız artıq tamamlanıb. Bir kolumbiyalı blokçumuz oktyabr ayında gələcək. Digərləri isə artıq heyətimizdə yer alıb.
Banuçiçək Hüseynli
İdman.biz
