Voleybol üzrə "Yaşıl dünya naminə həmrəylik ili" çərçivəsində təşkil olunan Azərbaycan kubokunun ilk qalibi bəlli olub.
İdman.biz xəbər verir ki, kişi voleybolçular arasında finalda "Azərreyl" və "Xilasedici" üz-üzə gəlib.
GİN-nin Voleybol Mərkəzində keçirilən oyuna yaxşı başlayan Cəlal Cəlilovun komandası inamlı qələbə qazanıb. Hər 3 setdə rəqibini məğlub edən "Xilasedici" “quru hesabla” qalib gəlib – 3:0 (25:18,25:21,25:23).
Qeyd edək ki, günün ikinci qarşılaşmasında qadın voleybolçular qalibi müəyyənləşdirəcəklər. Finalda "Gəncə" və "Abşeron" üz-üzə gələcək.
Emin Ağa
İdman.biz
