Azərbaycanın 16 yaşadək voleybolçu qızlardan ibarət milli komandası Şərqi Avropa Voleybol Zonal Assosiasiyasının (EEVZA) çempionatında iştirak edəcək.
İdman.biz xəbər verir ki, yarış noyabrın 20-23-də Polşada keçiriləcək.
Azərbaycan çempionatda B qrupunda Litva, Ukrayna və Estoniya yığmaları ilə üz-üzə gələcək. Digər qrupda isə Latviya, Gürcüstan, və Polşa mübarizə aparacaq.
Qeyd edək ki, yarış AVRO-2025-ə seçmə xarakteri daşıyır. Reqlamentə əsasən, çempion qitə birinciliyinin final mərhələsinə vəsiqə qazanacaq.
İdman.biz
