Azərbaycan millisinin voleybolçusu Andrey Melnikov avrokuboklardakı məhsuldar oyunu ilə fərqlənib.
İdman.biz xəbər verir ki, Rumıniyanın “Braşov” klubunda forma geyinən təmsilçimiz CEV kubokunun 1/8 final mərhələsinin ilk oyununun ən yaxşılarından olub.
O, Estoniyanın TTU klubu ilə ev matçında 13 xal yığıb. Melnikov görüşün ikinci ən məhsuldar oyunçusu olub. O, blokda 3 xal toplamaqla hamını qabaqlayıb.
Qeyd edək ki, komandalar arasında cavab matçı dekabrın 17-də Tallinndə keçiriləcək.
İdman.biz
