Azərbaycan millisinin voleybolçusu Ayşən Abduləzimovanın çıxış etdiyi "Vaşaş" klubu 2024-cü ili Macarıstan çempionatının lideri kimi başa vurur.
İdman.biz xəbər verir ki, Budapeşt təmsilçisi mövsümün bütün oyunlarında qələbə qazanıb.
"Vaşaş" 10 turdan sonra 29 xal toplayıb və ən yaxın izləyicisi “Bekeşçaba”nı 5 xal qabaqlayır.
Macarıstan çempionu ilin sonuna kimi ölkə kuboku uğrunda “Uypeşt”lə qarşılaşacaq. Komanda ölkə birinciliyinin növbəti oyununu yanvarın 4-də "MAV Elore" ilə keçirəcək.
Qeyd edək ki, Abduləzimova "Vaşaş"ın kapitanıdır.
İdman.biz
