Azərbaycan millisinin voleybolçusu Ayşən Abduləzimovanın çıxış etdiyi “Vaşaş” klubu CEV Çempionlar Liqasının qrup mərhələsində ikinci qələbəsini qazanıb.
İdman.biz xəbər verir ki, Macarıstan təmsilçisi 5-ci turda öz meydanında Fransa “Nant”ına üç setdə qalib gəlib (3:0).
Abduləzimova oyunda 8 xal toplayıb.
İlk turda da “Nant”ı məğlub edən “Vaşaş” 5 xalla qrupda üçüncüdür. Həmyerlimizin komandası ikinci pillədə qərarlaşan Polşanın "Budovlani Lodz" klubundan 3 xal geri qalır.
İdman.biz
