Fiqurlu konkisürmə üzrə “Çelencer” seriyalı “Metropol Trofi” turniri davam edir.
İdman.biz xəbər verir ki, Azərbaycan fiqurlu konkisürmə yığması da mübarizəyə başlayıb.
Fransanın Nitsa şəhərində keçirilən beynəlxalq turnirdə buz üzərində rəqslərdə iki duetimiz yarışa qatılıb. Ritmik rəqsdə 50,04 xal yığan Samanta Ritter və Daniel Brikalov dueti 19 iştirakçı arasında 15-ci olub. Maksin Uiterbi və Aleksandr Kolosovski 44,72 xalla 19-cu yeri tutublar.
Qeyd edək ki, yarışa sabah keçiriləcək sərbəst rəqslə yekun vurulacaq.
İdman.biz
