Dağ xizəyi üzrə Dünya kubokunun İtaliyanın Bormio şəhərində keçirilən mərhələsi xoşagəlməz hadisə ilə nəticələnib.
İdman.biz xəbər verir ki, fransalı xizəkçi Siprien Sarrazin məşq yürüşü zamanı qəzaya uğrayıb.
O, saatda 125 km sürətlə hərəkət edərkən müvazinətini itirərək qoruyucu divara çırpılıb. İdmançı helikopterlə təxliyə olunub.
30 yaşlı idmançıda beyindaxili gematoma aşkarlanıb. Reanimasiyada olan fransalı əməliyyat olunacaq.
Qeyd edək ki, Siprian karyerası ərzində dünya kubokunda 5 dəfə mərhələ qalibi olub.
İdman.biz
