Siyasət Əsgərov “Neftçi”nin qadınlardan ibarət komandasının baş məşqçisi təyin olunub.
İdman.biz xəbər verir ki, onunla mövsümün sonuna kimi müqavilə imzalanıb.
Qadınlardan ibarət Azərbaycan milli komandasını da çalışdıran Siyasət Əsgərov “Neftçi”də fəaliyyət göstərəcək. O, məşqçilik fəaliyyətinə 2007-ci ildə MOİK-in əvəzedici heyətində köməkçi məşqçi kimi başlayıb. 2008-2009-cu illərdə MOİK-də baş məşqçi, 2009-2010-cu illərdə MOİK-in əvəzedici heyətində baş məşqçi, 2010-2012-ci illərdə 17 yaşadək qızlardan ibarət milli komandada məşqçi kimi çalışıb. 2013-cü ildən etibarən 19 yaşadək qızlardan ibarət milli komandada məşqçi, 17 yaşadək qızlardan ibarət milli komandada baş məşqçi, 15 yaşadək qızlardan ibarət milli komandada isə məşqçi kimi fəaliyyət göstərir.
Qeyd edək ki, Azərbaycan yığması Əsgərovun rəhbərliyi ilə UEFA Millətlər Liqasının B divizionunun qalibi olub.
İdman.biz
