Xuan Mata klubsuz qalıb

İspaniya millisinin sabiq futbolçusu Xuan Mata klubsuz qalıb.

İdman.biz xəbər verir ki, 35 yaşlı yarımmüdafiəçi "Vissel Kobe"dən ayrılıb.

Yaponiya klubu müqaviləsi başa çatan ispaniyalı ilə anlaşmanı uzatmamağa qərar verib. Matanın 2023-cü ilin sentyabrında keçdiyi Asiya klubundakı karyerası 4 ay sürüb.

Qeyd edək ki, Xuan Yaponiya çempionatında yalnız 1 oyunda şans qazanıb. O, meydanda cəmi 10 dəqiqə keçirib.

İdman.biz