PSJ-nin fransalı forvardı Kilian Mbappe "Real" ilə müqavilə imzalayıb.
İdman.biz xəbər verir ki, bu barədə İspaniyanın nüfuzlu "Marka" nəşrinin jurnalisti Ramon Alvares paylaşım edib.
Bildirib ki, artıq məsələ həll olunub: "O, "Real"la müqavilə imzalayıb. İş görüldü".
Fevralın 16-da digər bir tanınmış jurnalist Fabrizio Romano bunu təsdiqləmişdi. Mbappenin PSJ-nin prezidenti Nasser Al-Xelaifini yayda müqaviləsi başa çatdıqdan sonra komandanı tərk edəcəyi barədə məlumatlandırdığı vurğulanıb.
Qeyd edək ki, Mbappe 2018-ci ildən PSJ-də oynayır. O, meydana çıxdığı 290 matçda 243 qol, 105 asistlə yadda qalıb.
İdman.biz