Türkiyə kubokunda iki yarımfinalçının adına aydınlıq gəlib.
İdman.biz xəbər verir ki, “Trabzonspor” və “Beşiktaş” 1/2 finala yüksəlib.
Trabzon klubu öz meydanında “Başakşəhər”ə qalib gəlib. Oyunun taleyini həll edən yeganə qolu Edin Visça vurub.
“Beşiktaş” isə İstanbulda “Konyaspor”u məğlub edib. “Qara qartallar” rəqib qapısından 2 cavabsız top keçiriblər.
Sabah mərhələnin son matçında “Qalatasaray” – “Karagümrük” matçı baş tutacaq.
Qeyd edək ki, 1/4 finalın ilk oyununda “Fənərbaxça” “Ankaragücü”nə 0:3 hesabı ilə uduzub.
Türkiyə kuboku
1/4 final
“Trabzonspor” – “Başakşəhər” – 1:0
“Beşiktaş” – “Konyaspor” – 2:0
İdman.biz