Hücumçu Lamin Yamalın "Barselona" ilə yeni müqaviləsinin rəsmi imzalanma mərasimi oktyabrın 2-də baş tutacaq.
İdman.biz xəbər verir ki, bu barədə jurnalist Fabrizio Romano twitter hesabında məlumat verib.
O bildirib ki, Lamin İspaniya klubu ilə yeni müqaviləsini hələ iyulda, yay mövsümü öncəsi turdan əvvəl imzalayıb. Yamalın müqaviləsi 2026-cı ilin iyun ayına qədər davam edəcək ki, bu da 16 yaşlı oyunçular üçün maksimum müddətdir.
O, bu mövsüm 16 yaşlı futbolçu "Barselona"nın heyətində səkkiz matçda iştirak edib və iki məhsuldar ötürmə edib. Transfermarkt internet portalı oyunçunun bazar dəyərini 25 milyon avro olaraq qiymətləndirir.
İdman.biz
