Fransa Liqa 1-də “Nitsa” “Sent-Etyen”ə evdə 8:0 hesabı ilə qalib gəlsə də, burada diqqəti oyunun hesabından daha çox 6 qolun ilk yarıda vurulması çəkir.
İdman.biz xəbər verir ki, Fransa çempionatında belə hadisə sonuncu dəfə 87 il öncə yaşanıb.
1937-ci ildə “Lion” rəqibini bir hissəyə 6 dəfə məyus edə bilmişdi. İndiki matçda isə rekordu təkrarladan 6 qolun ilkini qonaqlardan Batubinsika öz qapısından keçirib, ardından isə Ndombele, Ali-Şo, Mukkoko (2 dəfə) və Gessan fərqləniblər.
Qeyd edək ki, “Sent-Etyen”lə oyunda “Nitsa”nın 18 zərbəsindən 10-u qapı istiqamətinə gedib ki, onun da 8-i qol olub.
İdman.biz
