Polşalı qapıçı Voytsex Şçesnı "Barselona" ilə danışıqlar apardığını təsdiqləyib.
İdman.biz xəbər verir ki, o bu barədə tanınmış insayder Fabritsio Romanoya müsahibəsində deyib.
34 yaşlı qolkiper Kataloniya klubuna keçmək şansını qaçırmaq istəmədiyini bildirib. Şçesnı "Barselona"nı dünyanın ən yaxşı klublarından biri adlandırıb.
Qeyd edək ki, Mark-Andre ter Ştegenin ağır zədə almasından sonra "Barsa" qapıçı axtarışına çıxıb. Yayda karyerasını bitirən Voytsex komandada oynamaq naminə yaşıl sahələrə dönməyə hazır olduğunu açıqlayıb.
İdman.biz
