Perunun "Union Komersio" klubunun qapıçısı Dieqo Lopes "Sportinq Kristal"la oyundan sonra göz yaşlarını saxlaya bilməyib.
İdman.biz xəbər verir ki, bunun səbəb onun qapısından 12 top buraxması olub.
Peru çempionatında 16-cı turun "Sportinq Kristal"a görüşü Lopes üçün debüt matçı olub. Klub əsas liqanı tərk etdiyindən bir çox aparıcı futbolçularla yollarını ayırıb və "Sportinq Kristal"la qarşılaşmada qapını 19 yaşlı qolkiper qoruyub. Oyundan sonra gənc qapıçı dəstəyə görə yaxınlarına və azarkeşlərə təşəkkürünü bildirib.
Qeyd edək ki, Dieqo "Union Komersio"nun yetirməsidir.
İdman.biz
