"Qalatasaray"ın futbolçusu Mauro İkardi Argentinada məhkəmə qarşısına çıxmalıdır.
İdman.biz xəbər verir ki, bu barədə Argentina mətbuatında məlumat yayılıb.
Vanda Nara ilə boşanma mərhələsində olan hücumçuya qadına şiddət maddəsi ilə cinayət işi açılıb. Məlumatda bildirilib ki, Nara İkardidən şikayət edib və təcrübəli forvard noyabrın 15-də məhkəmədə izahat verməlidir. "Qalatasaray" isə Mauronun hazırda İstanbulda istirahət etdiyini açıqlayıb.
Qeyd edək ki, 31 yaşlı futbolçu uzun müddətə sıradan çıxıb və yaxın günlərdə əməliyyat keçirəcək.
İdman.biz
