PSJ-nin baş məşqçisi Luis Enrike ilə Osman Dembelenin münasibətləri qaydasına düşmür.
İdman.biz xəbər verir ki, "L’Équipe" bu barədə məlumat yayıb.
Çempionlar Liqasında "Bavariya" (0:1) ilə oyunda qırmızı vərəqə alan Dembelenin adı dünən "Nant"la oyunun start heyətinə daxil edilməyib. İspaniyalı mütəxəssis futbolçunun intizamından narazıdır.
Qeyd edək ki, 1 ay əvvəl baş məşqçinin tapşırıqlarını yerinə yetirmədiyinə görə Osman "Arsenal"la matçın heyətindən kənarda qalmışdı.
İdman.biz
