"Bavariya"nın qapıçısı Manuel Noyer karyerasında ilk dəfə qırmızı vərəqə alıb.
İdman.biz xəbər verir ki, o, Almaniya kubokunun 1/8 finalında "Bayer"lə matçda komandasını azlıqda qoyub.
38 yaşlı qolkiper matçın 17-ci dəqiqədə cərimə meydançasından kənarda Jeremi Frimponqa qarşı kobud oyuna görə cəzlandırılıb. Hazırda davam edən görüşdə birinci hissədən sonra hesab açılmayıb.
Qeyd edək ki, Manuel 2011-ci ildən "Bavariyada çıxış edir. O, komandanın heyətində meydana çıxdığı 539 oyunun 255-də qapısını toxunulmaz saxlayıb.
İdman.biz
