Almaniyanın "HOF Manufaktur" şirkəti "Formula-1" üzrə 7 qat dünya çempionu Lyuis Hemiltona xüsusi avtomobil hədiyyə edib.
İdman.biz xəbər verir ki, Sir Class adlanan avtomobil Mercedes-AMG G63-in bazasında hazırlanıb.
577-1063 At Gücünə malik maşın 3,5 saniyəyə 100 km/s sürət yığır, onun maksimum sürəti 300 km/s-dır. HOF Sir Class avtomobilinin hündürlüyü Mercedes-AMG G63-dən 30 millimetr aşağıdır. Maşın xüsusi rəng çalarları ilə bəzədilib.
Sir Class Hemiltonun "Mersedes"dəki 11 illik karyerası münasibətilə 11 ədəd istehsal olunub. Avtomobilin dəyəri 690 min dollardır.
Qeyd edək ki, alman komandasının heyətində 7 dəfə dünya çempionu olan Hemilton mövsümün sonunda "Mersedes"lə yollarını ayıracaq.
İdman.biz
