Səudiyyə Ərəbistanın Pro Liqasında 15-ci turu Kriştiano Ronaldu və Karim Benzemanın dueli ilə yadda qalıb.
İdman.biz xəbər verir ki, qarşılaşma fransalı futbolçunun komandasının qələbəsi ilə başa çatıb.
"Əl-İttihad" öz meydanında "Əl-Nəsr"ə 2:1 hesabı ilə qalib gəlib. Benzema və Ronaldu, müvafiq olaraq 55-ci və 57-ci dəqiqədə fərqləniblər. 90+1-ci dəqiqədə isə Berqveyn liderə ardıcıl 9-cu qələbəni qazandıran qolun müəllifi olub.
Qeyd edək ki, bu qələbədən sonra "Əl-İttihad" xalını 42-yə yüksəldib. 4-cü pillədə qərarlaşan Ronaldunun komandasını liderdən 11 xal ayırır.
İdman.biz
