Ruben Amorim "Mançester Yunayted"də antirekorda imza atıb.
İdman.biz xəbər verir ki, "qırmızı şeytanlar" portuqaliyalı mütəxəssisin rəhbərliyi ilə Premyer Liqada 7-ci oyunda 4-cü dəfə uduzub.
Mançester təmsilçisi İngiltərə Premyer Liqasının 18-ci turunda "Vulverhempton"a 0:2 hesabı ilə məğlub olub. Bununla da, Ruben Amorim Erik Ten Haaqın uğursuz nəticəsini yeniləyib. Niderlandlı mütəxəssis 4-cü məğlubiyyətini 13-cü matçında yaşayıb.
Qeyd edək ki, "Mançester Yunayted" bundan əvvəl "Arsenal"a (0:2), "Nottigem Forest"ə (2:3), "Bornmut"a (0:3) uduzub. Komanda növbəti turda "Nyukasl"la qarşılaşacaq.
İdman.biz
