"Liverpul" niderlandlı yarımmüdafiəçi Frenki den Yonqu transfer etmək arzusundadır.
İdman.biz xəbər verir ki, "qırmızılar" futbolçunun meneceri ilə ilkin danışıqlar aparıblar.
"Barselona"da çıxış edən futbolçunun yüksək maaş alması komandanı çətin vəziyyətdə qoyub. Klub Frenkə təklif olunan yeni müqavilədə onun məvacibinin azaldılmasını istəsə də, o bununla razılaşmayıb. "Liverpul" bu imkandan istifadə edərək, onun keçidini həll etmək istəyir.
Qeyd edək ki, De Yonqun "Barselona" ilə müqaviləsi 2026-cı ilin yayında başa çatacaq.
İdman.biz
